Qaraǵandyda beınekameralar kómegimen lombard tonaýshylar ustaldy
QARAǴANDY. QazAqparat - Qaraǵandyda beınebaqylaý taspalary arqyly lombardty tonaǵan soltústikqazaqstandyq jáne ońtústikqazaqstandyq eki azamat ustaldy, dep habarlaıdy QazAqparat tilshisi.
«27 mamyr saǵat tańǵy 5-ter shamasynda belgisiz adamdar plastık terezeni syndyryp, qala lombardtarynyń birindegi kepildegi múlikterdi tonaǵan», dep habarlaıdy Qaraǵandy oblysy Іshki ister departamentinde.
Mekemede málim etkendeı, oqıǵadan keıin jarty saǵat ótken soń JBO beınebaqylaý operatorlary kúdikti adamdardy baıqaǵan. Artynan jol-patrýl polıtsııasy polkiniń avtopatrýl qyzmetkerleri kúdiktilerdi ustady.
Atalmysh fakti boıynsha QR Qylmystyq kodeksiniń 188 babynyń 2-bóligi boıynsha sotqa deıin tergeý amaldary bastaldy. Qazirgi ýaqytta lombardqa kelgen shyǵyn kólemi anyqtalýda. Ustalǵan azamattar ýaqytsha ustaý oqshaýlaǵyshyna qamaldy. Tergeý júrip jatyr.
Aıta ketý kerek, búginde Qaraǵandy qalasynyń ózinde 3000 beınebaqylaý kameralary jumys isteıdi.
