Qaraǵandyda beıbit jınalystar týraly zań jobasy talqylanyp jatyr
Dostyq úıi ǵımaratynda ótip jatqan qoǵamdyq talqylaýǵa aımaqtyń qoǵam qaıratkerleri, úkimettik emes uıymdar men buqaralyq aqparat quraldary qatysýda.
QR Aqparat jáne qoǵamdyq damý mınıstri beıbit jınalystardy uıymdastyrý jáne ótkizý tártibi týraly zańnama qoǵam arasynda keńinen talqylanyp jatqanyn atap ótti.
«Zańnamany qabyldaý barysynda memlekettik organdardyń, mıtıngke shyǵýshylardyń ǵana emes, mıtıngke shyqqysy kelmeıtin, mıtıng ótetin jerde turatyn halyqtyń da pikirin eskerýimiz kerek. ıAǵnı, sherýge shyqqysy kelmeıtin, qaýipsizdik pen tynyshtyqty qalaıtyn turǵyndardyń pikiri mańyzdy. Biz sherýler men demonstratsııalar ótkizý tártibin ózgertýdi usyndyq», - deıdi mınıstr.
Vedomstvo basshysynyń aıtýynsha, zańda azamattyq qoǵam ókilderiniń pikirleri eskeriletin bolady.
«Azamattyq qoǵam ókilderiniń usynysy boıynsha ózgertiletin máselelerge toqtalsam. Birinshiden, mıtıngke qatysýshylardyń jasy boıynsha shekteý alynyp tastaldy. Endi beıbit mıtıngterge 18 jasqa tolmaǵandar da qatysa alady. Buryn mıtıngke tek 18 jastan qatysady degen shekteý bolatyn. Biz bul shekteýdi tııanaqty qaradyq. Shyny kerek, bul shekteýdi alyp tastaýdy qalamadyq. Biraq ony alyp tastaýymyz qajet, sebebi bul Balalardyń quqyǵyn shekteý konventsııasynyń talaby. ıAǵnı endi 18 jasqa deıingi balalar da beıbit mıtıngke qatysa alady. Ekinshiden, beıbit sherýdi uıymdastyrýshynyń keıbir mindetteri alynyp tastaldy. Mysaly, mıtıngke qatysýshylardyń sany belgilengen normadan asqan ýaqytta mıtıngti toqtatýy qajet», - dedi mınıstr.
Sonymen qatar, zańnamaǵa beıbit mıtıngterden habar taratyn jýrnalısterge qatysty da ózgerister engizilgen.
