Qaraǵandyda besik arbalardyń sherýi ótedi
QARAǴANDY. QazAqparat - Qaraǵandyda 1 maýsym - Halyqaralyq balalardy qorǵaý kúni qala turǵyndarynyń súıikti sharasyna aınalǵan besik arbalardyń sherýi ótedi, dep habarlaıdy QazAqparat ekaraganda saıtyna silteme jasap.
Bul - bes jyl qatarynan Kenshilerdiń mádenıet saraıynyń aldynda ótkizilip kele jatqan dástúrli meıram. «Oılap tap, jasa, alyp kel!» urany sharanyń ótkiziletin orny sııaqty jyldan-jylǵa ózgerissiz qalýda.
«Sherýge qatysý úshin ata-analar balasynyń arbasyn erekshe etip bezendirip, onymen meıramǵa kelýleri kerek», - deıdi Kenshiler mádenıet saraıynyń balalar meıramy jónindegi mamany Erkenaz Aıtaıbaeva.
Ádette sherýde erekshe bezendirilgen 10-ǵa jýyq arbalar kórsetiledi. Keıbir otbasylar ózderine qosymsha kostıým tiktiredi. Mysaly, aldyńǵy jyly uldarymen birge ejelgi grek stılinde kıingen ana kóptiń nazaryn ózine aýdartqan.
Aldaǵy sharanyń baǵdarlamasy birneshe kezeńnen turmaq. Aldymen qatysýshylar Kenshiler mádenıet saraıyn aınalyp shyǵady. Artynan jarty saǵattyq balalarǵa arnalǵan saýyqtyrý baǵdarlamasy ótedi, odan keıingi kezekte - jeńimpazdardy marapattaý rásimi. Syılyqsyz eshkim qalmaıtyny aıtylýda. Uıymdastyrýshylar sharany ótkizýge demeýshilerdi jumyldyrmaq.
Shara 12:00-de bastalady, qatysý jáne tamashalaý - tegin.
Foto: ekaraganda.kz
