Qaraǵandyda besik arbalar sherýi ótti
QARAǴANDY. QazAqparat - Qaraǵandyda Halyqaralyq balalardy qorǵaý kúninde erekshe shara - «Oılap tap, jasa, alyp kel» uranymen balalar besik arbalaranyń sherýi ótti, dep habarlaıdy QazAqparat tilshisi.
«Besik arbalar sherýin jyl saıyn ótkizemiz. Bıyl besinshi ret ótýde. Qatysam deýshilerdiń sany jyl sanap artyp keledi. Búgin 16 otbasylyq jup qatysty. Ótken jyldary 10-12 qatysýshydan bolatyn. Jeńimpazǵa Kenshiler mádenıet saraıynyń atynan gran-prı jáne jaqsy syılyq taǵaıyndaımyz», - dedi Kenshiler mádenıet saraıynyń mádenı-oıyn-saýyq bóliminiń basshysy Samal Istaeva.
Sherý qatysýshylary úshin basty talap - balasynyń besik arbasyn erekshe bezendirip, qyzyl kilemmen júrip ótý boldy.
«Biz sherýge ekinshi ret qatysyp jatyrmyz. Aldyńǵy jyly besik arbamyzdy Sofııa qýyrshaǵynyń keıpinde bezendirgenbiz. Bıyl jedel járdem kóligine uqsatýdy uıǵardyq. Joldasym perzenthanada jumys isteıdi, sodan bolar, uzaq oılanbaı osyndaı tańdaý jasadyq», - dep bólisti sherý qatysýshysy Jibek Qanatova.
