Qaraǵandyda bes qabatty úıde gaz ballony jaryldy
QARAǴANDY. QazAqparat - Qaraǵandy qalasyndaǵy Oktıabr aýdany, Jekebaev kóshesindegi 143 úıde gaz jarylǵandyǵy jónindegi sýyt habar TJD «112» telefonyna 17:13-te túsken.
Jarylys bes qabatty turǵyn úıdiń ekinshi qabatyndaǵy bir bólmelik páterde bolǵan.
Oqıǵa ornyna shuǵyl jetkender gazben qamtý ortalyqtandyrylǵanyn anyqtady. Jarylys saldarynan 2 jáne 3 páter aralyǵyndaǵy bólmearalyq qabyrǵa jarym-jartylaı qıraǵan.
Apatty joıý jumystaryna Qaraǵandy oblysy TJD 12 adamy men 4 tehnıkasy tartyldy.
