Qaraǵandyda belgisiz úsheý polıtsııa qyzmetkerine shabýyl jasady
ASTANA. 16 shilde. QazAqparat - 12 shilde kúni shamamen saǵat 20.30-da ІІD Jedel basqarý ortalyǵynyń jedel ýákili Qaraǵandy qalasynyń Maıqudyq aýdanynda ornalasqan meshit janynda beınekamera boıynsha 3 belgisiz adamnyń polıtsııa qyzmetkerin
uryp jatqanyn baıqaǵan. Oqıǵa ornyna tezarada jaqynda júrgen polıtsııa narıady jiberildi. Bul týraly Qaraǵandy oblysy ІІD-niń baspasóz qyzmeti habarlady.
Avtopatrýldiń ekıpajy 26, 27 jáne 38 jastardaǵy Qaraǵandy qalasynyń turǵyndaryn ustady. Olardyń bireýi buǵan deıin esirtki saqtaǵany úshin jaýapkershilikke tartylǵan, ekeýi - ákimshilik quqyq buzýshylyq úshin jazalanǵan. Olardy ustaý kezinde kúdiktiler qarsylyq tanytqan, soǵan baılanysty polıtsııa qyzmetkerleri arnaıy qurylǵylardy qoldandy.
Tekserý barysynda anyqtalǵandaı, Qaraǵandy qalasy ІІB patrýldik polıtsııa polkiniń qyzmetkeri, polıtsııa serjanty Jumabekov Baýyrjan jumystan keıin úıine qaıtyp bara jatqan. Ol kólikke otyrmaq bolǵanda, ishimdikke toıǵan belgisiz bireýler ony balaǵattap, shabýyl jasaǵan. Tóbeles kezinde polıtsııa qyzmetkerine dene jaraqattaryn salyp, kıimderin jyrtyp tastaǵan.
Qazirgi ýaqytta bılik ókiline qarsylyq kórsetý faktisi boıynsha qylmystyq is qozǵaldy. Tekserý amaldary júrgizilýde.
