Qaraǵandyda belgisiz bireýler balalar alańyna 72 pyshaq qadap ketken
QARAǴANDY. QazAqparat - Qaraǵandynyń turǵyny balalar alańynda jerge qadalǵan 72 pyshaqty baıqap, dabyl qaqqan, dep habarlaıdy QazAqparat tilshisi.
Oblystyq ІІD málim etkendeı, 21 shilde kúni tańǵy 09:00-de jedel basqarý ortalyǵyna Respýblıka dańǵyly, 4-shi úıge qarasty «Dıana» aıaldamasynyń boıynda ornalasqan balalar alańyndaǵy gúl baǵynan pyshaqtardyń basy kórinip turǵany týraly habarlama túsken. Jedel tergeý toby faktini rastady. Oqıǵa ornynan 72 pyshaq tabyldy.
Qylmystyq quqyq buzýshylyq quramy anyqtalmaǵandyqtan, materıaldy nomenklatýralyq iske jatqyzý týraly protsesýaldyq sheshim qabyldandy.
