Qaraǵandyda belgisiz azamat 2 adamdy oqpen jaraqattap, qashyp ketti
QARAǴANDY. QazAqparat - Qaraǵandyda belgisiz bireý eki adamǵa oq atyp, jaraqattady, dep habarlaıdy QazAqparat tilshisi.
«Búgin úsh er adam arasynda sózge kelispeýshilik bolyp, arty oq atýmen aıaqtalǵan. Belgisiz bireý eki adamdy oqpen jaraqattap, oqıǵa ornynan qashyp ketken. Zadap shekken eki adam aýrýhanaǵa jatqyzyldy. Oqıǵanyń mán-jaıy anyqtalyp, kúdikti izdestirilýde», - delingen Qaraǵandy oblystyq PD baspasóz qyzmetiniń habarlamasynda.
Atalǵan fakti boıynsha QR Qylmystyq kodeksiniń 293-baby 3-tarmaǵy «qarý qoldaný arqyly buzaqylyq jasaý» boıynsha qylmystyq is qozǵaldy. Tergeý amaldary jáne kúdiktigi ustaý jumystary jalǵasýda.
