Qaraǵandyda Belarýs azamaty joǵalyp ketti
ASTANA. QazAqparat - Qaraǵandyda iz-túzsiz joǵalyp ketken Belarýs azamaty izdestirilip jatyr, dep habarlaıdy «QazAqparat» HAA Qaraǵandy oblystyq ІІD baspasóz qyzmetine silteme jasap.
«20.06.1978 jyly týǵan Belarýs Respýblıkasynyń týmasy jáne turǵyny Kojýrov Igor Anatolevıch izdestirilip jatyr. Ol 28 naýryz kúni saǵat tańǵy 5-te Qaraǵandy qalasy Olımpııskıı kóshesindegi mekenjaıdan shyǵyp ketken. Sodan beri onyń qaıda ekeni belgisiz. Qalany bilmeıdi, Qaraǵandyǵa alǵash ret kelgen», - dep habarlady polıtsııadaǵylar.
Joǵalýshynyń boıy 180 sm, shashy aqshyl, kózi kók, denesinde eshqandaı tyrtyǵy joq. Ústinde qara tústi toqylǵan bas kıim, qońyr tústi ton, qara shalbar, aq tústi krossovkı bolǵan.
Ol týraly qandaı da bir aqparat biletinderdiń myna nómirlerge habarlasýyn suraıdy: (8-7212) 42-91-44, 42-92-30, 42-92-82 - Qaraǵandy oblystyq ІІD KPB Krımınaldyq izdeý bólimi nemese 102, 8 701 888 48 01, 8 705 332 43 92.
