Qaraǵandyda «Batys» kómir aýmaǵynda órt oshaǵy aýyzdyqtaldy
QARAǴANDY. QazAqparat – Qazirgi ýaqytta «Shubarkól kómir» AQ «Batys» razrezinde órt oshaǵy aýyzdyqtaldy, dep habarlady QazAqparat tilshisi.
Qazirgi tańda tutaný kózderin tolyqtaı sóndirý jáne kómiri bar jynystardyń qaıta tutanýyna jol bermeý boıynsha jumystar júrgizilip jatyr. Órtti aýyzdyqtaý boıynsha barlyq sharalarǵa qajetti taý-kólik quraldary men kásiporyn mamandary jumyldyrylýda.
Eske salaıyq, 2019 jyldyń 19 tamyzynda 15:40-ta «Shubarkól kómir» AQ «Batys» razrezinde taýdan 450 metr qashyqtyqta PK13 kómir oıyǵynda órt shyqqany tirkeldi. 20 tamyzda saǵat 08:00-de órt kómiri bar jynystarda tutana bastaǵan. Órt oshaǵyn aýyzdyqtaý jáne ony sóndirý boıynsha sharalar júrgizildi.
Avtor: Agata Mýhamedjanova
