Qaraǵandyda bas shyrsha jaǵyldy
QARAǴANDY. QazAqparat - Kenshiler qalasynda Jańa jyldyq bas shyrshanyń shamdaryn jaǵý saltanaty ótti. Bul joly jasyl sulýdyń mańy erekshe bos boldy. Qaraǵandy oblysynda shekteý sharalaryna baılanysty is-shara onlaın-formatta uıymdastyryldy, dep habarlaıdy QazAqparat óńir basshysynyń resmı saıtyna silteme jasap.
Shamdardy jaǵý qalalyq ákimdiktiń áleýmettik jelilerinde júrgizildi.
Merekelik shara jańa jyldyq fılmder men mýltfılmderdiń áýenderimen súıemeldendi. Aıaz ata men Aqshaqar shyrshaǵa ádemi shanamen keldi. Táýelsizdik alańyndaǵy ımprovızatsııalanǵan sahnalyq podıýmda olar eski jyldy shyǵaryp salyp, jańa jyldy qarsy aldy. Ótken jyldyń nyshany – tyshqan barlyǵymen amandasyp, buqaǵa jol berdi.
Jyl saıyn qalanyń bas shyrshasyna ot jaǵý qurmeti oqýda, sportta jáne shyǵarmashylyqta jaqsy nátıjelerge qol jetkizgen úzdik oqýshylardyń birine tapsyrylady. Bul joly ol №58 jalpy bilim beretin mekteptiń tórtinshi synyp oqýshysy, kóptegen baıqaýlardyń jeńimpazy jáne «100 úzdik daryndy oqýshy» ataǵynyń ıegeri Baqtygereı Nurfýatqa berildi.
