Qaraǵandyda bank qyzmetkeri mektep oqýshysyna qońyraý shalǵany úshin 8 jylǵa sottaldy
QARAǴANDY. QazAqparat - Qaraǵandyda ekinshi deńgeıli bank qyzmetkeri mektep oqýshysyn telefonmen azǵyrǵany úshin 8 jylǵa bas bostandyǵynan aıyryldy, dep habarlaıdy «QazAqparat» HAA tilshisi.
Qaraǵandy oblysynyń kámelettik jasqa tolmaǵandar isi jónindegi sýdıasy Elena Kırıllova bank qyzmetkerin QR Qylmystyq kodeksiniń 124-baby «Jas balalardy azǵyndyq jolǵa túsirý» boıynsha aıypty dep tapty.
«Sot kúdiktini 8 jylǵa bas bostandyǵynan aıyryp, jazasyn jalpy rejimdegi túzeý kolonııasynda óteý týraly úkim shyǵardy», - dep túsindirdi Qaraǵandy oblystyq kámelettik jasqa tolmaǵandar isi jónindegi sotynyń ókilderi.
Sottalýshy Qaraǵandy oblystyq sotyna apellıatsııalyq shaǵym túsirmekshi. Ol óz kinásin moıyndaýdan bas tartyp, japa shekken qyzdyń úıindegi telefonǵa kelip túsken kiris qońyraýlardaǵy nómirdi anyqtaýda tehnıkalyq aqaýlar bolǵandyǵyn málimdeýde. Alaıda, fonoskopııalyq saraptama sottalýshynyń sózderi men daýysyn qońyraý shalǵan belgisizge uqsaıtyndyǵyn anyqtady.
Eske sala keteıik, er kisi bir jyl boıy segiz jasar qyzǵa qońyraý shalyp, jynystyq ómir týraly aıtyp kelgen.
