Qaraǵandyda balalarǵa arnalǵan sport klýby ashyldy
QARAǴANDY. QazAqparat – Qaraǵandynyń ortalyǵynda «Ár aýlaǵa karate» jobasy boıynsha Raiymbek Dojo sport klýby paıda boldy.
Ol «Rýhanı jańǵyrý» memlekettik baǵdarlamasy aıasynda «Kekýshınkaı karate Búkilqazaqstandyq uıymy» RQB qarajaty esebinen salyndy, dep habarlaıdy QazAqparat.
«Ár aýlaǵa karate» áleýmettik jobasy óz jumysyn 2017 jyly bastady. Sol kezde Ońtústik-Shyǵysta «Namys» birinshi klýby ashyldy. Osy jazda Saranda «Aqbars» kesheni salyndy.
«Joba úlken aýlalarda shaǵyn zaldar salýdy kózdeıdi. Osynyń arqasynda úıdiń janyndaǵy balalar sport sektsııalaryna qatysýǵa múmkindik alady. Al bul ata-analar úshin de yńǵaıly. Zaldar salýdan basqa, biz aýla aýmaǵyn abattandyramyz, fýtbol alańdaryn salamyz. Eń bastysy - balalarǵa sportpen shuǵyldanýǵa múmkindik berý», – deıdi «VOKK» RQB Qaraǵandy oblystyq fılıalynyń dırektory Tımýr Raıymbekov.
