Qaraǵandyda balalardyń páterde qamalyp qalý oqıǵasy jıilep ketken
QARAǴANDY. QazAqparat - Qaraǵandyda qutqarýshylar páterde qamalyp qalǵan balalardy bosatty, dep habarlaıdy QazAqparat Tótenshe jaǵdaılar komıtetine silteme jasap.
Oqıǵa Qaraǵandyda ıAzev kóshesinde bolǵan. Anasy kireberiske shyqqanda balasy esikti ishki jaǵynan qulyptap qoıǵan. Sosyn bala esikti ózi asha almaǵandyqtan áıel qutqarý qyzmetin shaqyrdy.
Qutqarýshylar oqıǵa ornyna jedel jetti. Olar páterge balkonnyń terezesinen avtobaspaldaq arqyly kirdi.
Taǵy bir oqıǵa 12 mamyrda Gapeev kóshesinde bolǵan. Qaraǵandy oblysy tótenshe jaǵdaılar departamentiniń qyzmetkerlerin kórshi shaqyrdy. Qutqarýshylar avtobaspaldaqtyń kómegimen balkonǵa kóterilip, esikti ashyp, qyzdy úıge kirgizgen. Al, páterde bul kezde úsh jasar bala bolǵan.
Qutqarýshylar mundaı oqıǵanyń jıi kezdesetinin aıtady.
«Balalar esiktiń artynda qalatyn jaǵdaılar jeterlik. Páterden shyqqyńyz kelse, esik jabylmas úshin barlyq sharalardy qabyldaýyńyz kerek», - deıdi Qaraǵandy oblysy TJD Órt sóndirý jáne avarııalyq-qutqarý jumystary qyzmeti mamandandyrylǵan jasaqtyń bastyǵy Dmıtrıı Vaskovskıı .
Barlyq qutqarý jumystary sátti aıaqtaldy, balalar ata-anasymen aman-esen qaýyshty.
Jyl basynan beri osyndaı 186 qutqarý operatsııasy ótkizilgen, sonyń arqasynda 204 adam qutqaryldy, onyń ishinde 78 bala bar.
