Qaraǵandyda balalar úıiniń túlekterin qoldaý ortalyǵy ashyldy
ASTANA. QazAqparat - Qaraǵandyda balalar úıiniń túlekterin qoldaý ortalyǵy ashyldy. Boıjetkenderge munda tegin baspana berilip, tamaqtandyryp, psıhologııalyq jáne zańdyq kómek kórsetiledi, úı sharýasyn júrgizýdi úıretedi, dep habarlaıdy oblystyq ákimdiktiń baspasóz qyzmeti.
Jetimder úıiniń túlekterin qoldaý ortalyǵy tamyzdan bastap iske kiristi. Ol 12 adamǵa shaqtalǵan, alaıda ázirge onda 9 boıjetken ǵana turyp jatyr.
- Biz 15-23 jas aralyǵyndaǵy balalar úıiniń boıjetken túlekterine jarty jylǵa deıin tegin ýaqytsha baspana usynamyz. Eger qajet bolsa, kelisimshartty uzartyp, qyzdardy odan da kóbirek ýaqytqa qaldyra alamyz. Eger qajet bolsa, psıhologııalyq jáne zańdyq kómek kórsetemiz. Keıbireýlerin jumysqa ornalastyrýǵa kómektesemiz, - deıdi ortalyq úılestirýshisi Nadejda Jaýlbaeva.
Qoldaý ortalyǵynda bekitilgen tártip boıynsha ómir súredi, ózderi tamaq pisirip, úıdi jınaıdy. Osylaısha, mamandardyń pikirinshe, túlekter qajetti turmystyq daǵdylaryn alady. Ókinishke oraı, balalar úıinde olar ondaı tájirıbe jınamaıdy.
Osy sekildi ortalyqtar búkil elimiz boıynsha qyzmet etedi jánede olar Analar úıiniń janynan ashylǵan. Balalar úıiniń túlekterine arnalǵan jeke ǵımarattar tek Astana men Qaraǵandyda ǵana bar. Ortalyqtarǵa arnalǵan kottedjder «Ana úıi» qorynyń qarajaty esebinen jalǵa alynady.
Ortalyqqa ornalasý úshin balalar úıiniń túlegi ekenin rastaıtyn qujat tapsyrý qajet. Kómekke 8-800-080-77-71 biryńǵaı tegin nómiri arqyly júginýge bolady. Qaraǵandy oblysynyń balalar úıleriniń túlekteri qoldaý ortalyǵynyń úılestirýshisi Nadejda Jaýlbaevaǵa +7 747 311 41 08 nómirine tikeleı habarlasa alady.
