Qaraǵandyda balalar temirjoly jumys isteı bastady
QARAǴANDY. QazAqparat - Qaraǵandydaǵy balalar temirjoly bıyl óz jumysyn ádettegiden erterek bastady. Ótken demalystarda onymen myńǵa jýyq bala sapar shekti, dep habarlaıdy QazAqparat oblys ákimdigine silteme jasap.
«Senbi jáne jeksenbi kúnderi biz 962 bılet sattyq. Úsh jasqa deıingi balalar tegin júretinin eskersek, jolaýshylardyń jalpy sany myńǵa jetti», - deıdi balalar temirjolynyń basshysy Vıktor Lýtsenko.
Bıyl lokomatıvtiń ekıpaj bóligi tolyq jóndeldi. Bılet baǵasy ózgermedi - 200 teńge. Balalar temirjoly demalys kúnderi 11.00 men 19.00 aralyǵynda, beısenbi jáne juma kúnderi 12.00 men 19.00 aralyǵynda jumys isteıtin bolady.
Aıta keterligi, balalar temirjoly Qaraǵandyda 1956 jyldan beri isteıdi jáne ol Qazaqstandaǵy jumys istep turǵan jalǵyz balalar temirjol kóligi.
