Qaraǵandyda balalar alańyna pyshaqtar qadaǵan áıelge úkim shyqty
ASTANA. QazAqparat - Qaraǵandy qalasynyń mamandandyrylǵan ákimshilik soty balalardyń oıyn alańy men gúlzardyń arasyna pyshaqtardy qadap ketken áıelge úkim shyǵardy, dep habarlaıdy ekaraganda.kz saıty.
«Qoǵamdyq oryndarda pyshaqtar qadap júrgen áıelge ákimshilik quqyqbuzýshylyq týraly hattamaǵa sáıkes, 8, 418 myń teńge aıyppul salyndy. Oqıǵa Ýnıversıtet jáne ıAzev kósheleriniń qıylysynda bolǵan. Qaraǵandylyq áıel QarMÝ aldyndaǵy gúlzarǵa 127 pyshaq qadap, usaq buzaqylyq jasaǵan», - dep málimdedi oblystyq sottyń baspasóz hatshysy Gúlbarshyn Jitikova.
Eske sala keteıik, eldi dúrliktirgen oqıǵa Qaraǵandyda jazdyń ortasynda boldy. Qaraǵandynyń turǵyny balalar alańynda jerge qadalǵan 72 pyshaqty baıqap, dabyl qaqqan. Bir aptadan soń oqıǵa qaıtalandy. Bul jol gúlzar arasynan 36 pyshaq tabyldy.
Polıtsııa qyzmetkerleri 68 jastaǵy áıeldi ustady. Ol aýyratyn aıaǵyn osyndaı dástúrli emes medıtsına ádisimen emdemek bolǵanyn jáne muny jýrnaldardyń birinen oqyǵanyn aıtqan.
