Qaraǵandyda balalar alańdary jóndeldi
QARAǴANDY. QazAqparat - Qaraǵandyda Respýblıka dańǵylynyń boıynda ornalasqan birneshe balalar alańynyń jasandy tósemi aýystyryldy, dep habarlaıdy QazAqparat tilshisi Mádenıet, demalys saıabaqtary jáne gúlzarlar basqarmasynyń baspasóz qyzmetine silteme jasap.
Qaraǵandy «Mádenıet, demalys saıabaqtary jáne gúlzarlar basqarmasy» QMK jumysshylary toǵyz balalar alańyn jóndedi. Sonyń ishinde úsheýine jańa tósem tóselse, qalǵan altaýy - burynǵy qalpyna keltirdi. Jumystar jazy boıy júrgizilip, kúzde aıaqtaldy.
«Barlyǵy 1498 sharshy metr eski jasandy jabyn jańasyna aýystyryldy. Budan bólek, 2 228 sharshy metr alańda tósemderdi qaıta qalpyna keltirý jumystary júrgizildi», - dedi kásiporyn dırektory Rýstam Kódebaev.
Budan bólek, kásiporyn street workout sabaqtaryna arnalǵan tórt alańǵa jabyn tóseý úshin merdigerler arasynda konkýrs ótkizdi. Sondaı-aq, jazda gúlzarlar men saıabaqtarda aýmaǵy 10 myń sharshy metr tas tósemder aýystyryldy.
