Qaraǵandyda balabaqsha tárbıeshisi qatygezdik úshin jumystan shyǵaryldy
QARAǴANDY. QazAqparat - Qaraǵandyda jas balaǵa qatygezdik kórsetken «Balaqaı» balabaqshasynyń tárbıeshisi jumystan bosatyldy, dep habarlaıdy «QazAqparat» HAA tilshisi.
Vıdeony áleýmettik jelide uldyń ata-anasy taratqan. Degenmen, olar bul faktini kópshilikke jarııalaý týraly sheshim qabyldaǵan kezde, Qaraǵandy qalalyq bilim bólimi bul máseleni tekserip, tárbıeshini jumystan shyǵaryp úlgergen.
«Ata-anasynyń shaǵymynan keıin, balabaqsha dırektory ishki qyzmettik tekseris júrgizdi. Atap aıtsaq, vıdeobaqylaý kamerasyndaǵy jazbany qarap, tárbıeshiden túsinikteme alǵan, ata-analar jınalysyn ótkizgen. Ókinishke oraı, fakti rastaldy. Vıdeomaterıaldar ata-analarǵa berildi. Tárbıeshi 24 mamyr kúni adamgershilikke jatpaıtyn áreketi úshin jumystan bosatyldy», - dep habarlady bilim bóliminiń baspasóz qyzmetinen.
Jazany tárbıeshi ǵana alǵan joq. Balabaqsha dırektory men ádiskeri de tártiptik jaýapkershilikke tartyldy.
