Qaraǵandyda azyq-túlik pen dári-dármek jetkizetin biryńǵaı aqparattyq servıs quryldy

QARAǴANDY. QazAqparat - Belsendi Azamat jobasynyń komandasy oblys ákimdigi men aqparattandyrý basqarmasynyń qoldaýymen qaraǵandylyqtarǵa azyq-túlik pen dári-dármekti jetkizýdiń biryńǵaı aqparattyq qyzmet ázirledi, dep habarlaıdy QazAqparat tilshisi.

Qala turǵyndaryna sýpermarketterden, dárihanalardan, meıramhanalardan jáne pıtstserııalarda jasalǵan taýarlarǵa tapsyrys berýdi usynady.

Jańa servıs koronavırýstyń taralýyna baılanysty qazir adamdao kóp shoǵyrlanatyn jerlerge barmaýǵa kómektesedi. Jetkizý servısteriniń kýrerleri tapsyrystardy jetkizip beredi. Satyp alýlardy onlaın rejıminde qolma-qol aqshamen de, kartamen de tóleýge bolady.

Saıtta Burger King, KFC, «DODOpıtstsa» pıtstserııalary, «Aıan» sýpermarketter jelisi jáne basqa da tez tamaqtaný meıramhanalary jelisinen tapsyrys týraly aqparat bar. Platformada meıramhanalardan daıyn taǵamdardy ıntegratsııalanǵan servıster arqyly jetkizý qyzmeti bar emenu.kz jáne kura.kz. aýyz sýdy «Hrýstalnaıa» kompanııasy jetkizedi.

Dári-dármek Europharma jáne Bıosfera dárihanalary jelisinen jóneltiledi.

Jaqyn arada saıtta taksı shaqyrý optsııasy paıda bolady jáne azyq-túlik emes taýarlar dúkenderiniń tizimi keńeıtiledi.

Platformada jeke avtokóligi bar jáne kóliksiz kýrerlerge bos jumys oryndary ashyldy. Ótinimderdi onlaın rejımde qabyldaıdy.

Jańa servısti kelesi silteme boıynsha paıdalanýǵa bolady https://ba09.kz/.