Qaraǵandyda azyq-túlik dúkeni órtendi
ASTANA. QazAqparat - Qaraǵandyda mınımarket órtendi. Órt sebebi elektr symdarynyń tuıyqtalýynan dep boljanyp otyr. Bul týraly QazAqparat QR ІІM Tótenshe jaǵdaılar komıtetine silteme jasap habarlaıdy.
«15 qańtar kúni tańǵy 08:21-de Qaraǵandynyń Oktıabr aýdanyndaǵy Medıtsınskaıa kóshesinde «Rahıma» mınımarketi órtendi degen aqparat kelip tústi. Dúken tóbesindegi aǵash torlama órtenip, 150 sharshy metr aýmaqty ot sharpyǵan. Ony sóndirýge oblystyq TJ departamentiniń jeke quramynan 28 adam men 5 tehnıka jiberildi», - dedi QR ІІM Tótenshe jaǵdaılar komıtetiniń resmı ókili Nursultan Nurahmetov.
Olardyń kúshimen órt 08:56-da toqtatylyp, 09:05-te sóndirildi.
«Bastapqy boljam boıynsha, elektr symdarynyń júıesi qysqa tuıyqtalýǵa túsken. Zardap shekkender men qaza tapqandar joq», - dedi N. Nurahmetov.
