Qaraǵandyda azyq-túlik baǵasyn turaqtandyrý úshin qor quryldy
ASTANA. QazAqparat - Áleýmettik mańyzy bar azyq-túliktiń baǵasyn turaqtandyrý úshin qandaı sharalar qoldanylyp jatqany týraly Qaraǵandy oblysynyń ákimdiginde ótken apparattyq jınalys barysynda málim boldy, dep habarlaıdy ákimdiktiń resmı saıty.
Dálirek aıtsaq, kartoptyń baǵasyn bir kılogramyn 90-100 teńge kóleminde bir qalypta ustap qalý úshin oblysta turaqtandyrý qory quryla bastady. Ol úshin qoımaǵa 742 tonna kartop jetkizilgen. Áleýmettik pavılondarda bul kókónis túrin bir kılogrammyn 74 teńgeden satyp jatyr. Al aýylsharýashylyq jármeńkelerinde ony 70 teńgeden satyp alýǵa bolady. Bul aýylsharýashylyq basqaramasynyń esepteýinshe baǵany turaqty ustap turýǵa septigin tıgizedi.
Qaraǵandyda qala basshylyǵy «Aıan» sýpermarketiniń eki jetkizýshilerimen memorandýmdar jasaǵan. Oǵan saı ónim jetkizýshiler apta saıyn 90 teńgeden aspaıtyn turaqty baǵamen 120-130 tonna kartop jetkizýge daıyn. Oǵan qosa tómendetilgen baǵamen kartop «Shyǵys» bazary men «Magným» sýpermarketinde de bolady.
Baǵanyń ósýi ońtústik aımaqtarda ónim jınalmaýymen baılanysty bolyp otyr. Al bizdiń oblysta kartop iri almatylyq kompanııalarǵa satylyp jatyr. Oǵan qosa, bastapqy quny da ósip ketti - kóterme baǵamen kartoptyń kılogrammy 70 teńgege baǵalanyp otyr.
Basqa da azyq-túliktiń baǵasynyń kóterilýine keler bolsaq, ol birinshi kezekte JJM baǵasynyń ósýimen baılanysty bolyp otyr. Degenmen áleýmettik mańyzy bar azyq-túliktiń baǵasyn aýylsharýashylyq jármeńkeleriniń arqasynda ustap qalý kózdelip otyr. Jármeńkede et, jumyrtqa, sút ónimderin, nan jáne kókónisti naryq baǵasynan 15-20 paıyzǵa tómenirek satyp alýǵa bolady. Ondaı jármeńkeler 21-shi qazanda jáne 11-shi qarashada Qaraǵandyda, 4-shi qarashada - oblystyq basqa da qalalarynda ótedi.
Búgingi kúni turaqtandyrý qoryna 902 tonna kókónis salynǵan, onyń 742 tonnasy kartop, 100 tonna sábiz jáne 60 tonna pııaz. Bul taýarlar áleýmettik pavılondarda turaqty baǵamen satylatyn bolady.
