Qaraǵandyda Azııa chempıonatynyń qola júldegerine 8 naýryzǵa páter tartý etildi

ASTANA. QazAqparat - Sportshy arýǵa Qaraǵandy oblysynyń ákimi Erlan Qoshanov Qaraǵandynyń elıtalyq aýdanynan jańa páterdiń kiltin tabystady, dep habarlaıdy «SPORTINFORM» HAA Qaraǵandy oblysy ákimdiginiń dene shynyqtyrý jáne sport basqarmasyna silteme jasap.

Qaraǵandy oblysy Grek-rım, erkin jáne áıelder kúresi federatsııasy Azııa chempıonatynda qola medal alǵany jáne óńirdegi sportty damytýǵa qosqan úlesi úshin 8 naýryzǵa arnap tamasha syılyq ázirledi.

8 naýryz qarsańynda Qaraǵandy oblysynyń ákisi Erlan Qoshanov Elmıra Syzdyqovany saltanatty túrde qabyldap, jańa páterdiń kiltin tabys etti. Syıǵa berilgen páterdiń aýdany 65,4 sharshy metrdi, quny 18 mıllıon 966 myń teńgeni quraıdy, - delingen basqarmanyń baspasóz qyzmeti bergen habarlamada.

Aıta keteıik, Qaraǵandy oblysy Grek-rım, erkin jáne áıelder kúresi federatsııasyna «Shubarkól kómir» AQ demeýshilik jasaǵan.