Qaraǵandyda áıel-taksıstiń ólimine qatysy bar jańa kúdiktiler ustaldy

Atap aıtqanda, ustalǵan eki adam jasalǵan qylmys týraly polıtsııaǵa habarlamaǵany úshin aıyptalyp otyrsa, úshinshisine áıeldiń óltirilýine tikeleı qatysy bar degen kúdik keltirilýde.  

«Tergeýdiń qylmysty bir adam jasady degen nusqasyn negizsiz dep sanaımyn. ıÝlııa kıkboksıngpen aınalysqan jáne bir adam shabýyldaǵan bolsa, ońaı jaýap qaıtara alar edi. Menińshe, úsheýi birge óltirgen. ıÝlııa qatty soqqyǵa jyǵylǵan, basy kirpishpen jarylǵan. Polıtseılermen birge Fedorovka jaqtaǵy saıajaı aýmaǵynda onyń denesin qudyqtan alyp shyqqan kezde, betinde saý jer bolmady. ıÝlııa qatty soqqyǵa jyǵylǵanyn aıtý úshin sarapshy bolýdyń qajeti joq», -deıdi  óltirilgen ıÝlııa Stonkýstyń ápkesi Krıstına.

Buǵan deıin habarlaǵanymyzdaı, Qaraǵandy mańyndaǵy Aqtas kentinde taksı qyzmetinde jumys istegen áıel-júrgizýshiniń máıiti tabyldy . 28 jastaǵy ıÝlııa sońǵy tapsyrysyn taksı qyzmetiniń dıspetcherinen alǵan.

«27 qazan kúni bizdiń taksı qyzmetiniń keńsesine birneshe jigit keldi. Bireýi dıspetcherlikke kelip, qalǵandary dalada kútip turdy. Shahtınsk qalasyna jetkizetin kólik surady. Tapsyrysty oryndaý kezegi ıÝlııa Stonkýsta bolatyn. Ol jigitterdi «Mersedeske» otyrǵyzyp, júrip ketti. Odan keıin biz ony kórmedik. Baılanysqa shyqpady. Uıaly telefony baılanystan tys boldy», - dedi dıspetcher.

Bir kúnnen keıin polıtsııa qyzmetkerleri taksıst áıeldi óltirgen kúdiktini ustady .

Qaraǵandy oblystyq Іshki ister departamenti baspasóz qyzmetiniń basshysy Baqytjan Qudııarov kúdikti retinde  35 jastaǵy  Shahtınsk qalasynyń turǵyny ustalǵanyn habarlady.

«Kúdikti jedel-izdestirý sharalary barysynda ustaldy. Buǵan deıin sottalǵan. Aldyn ala málimetter boıynsha, jol aqysyn tóleý boıynsha shyqqan janjal sońy adam ólimine ulasqan. Kúdikti ýaqytsha ustaý oqshaýlaǵyshyna qamaldy», - dedi Baqytjan Qudııarov.

Kóz jumǵan áıelge tıesili «Mersedes» avtokóligi kúdiktiden alyndy.