Qaraǵandyda áıel adam sport zaldaǵy jattyǵý kezinde qaıtys boldy
QARAǴANDY. QazAqparat - Qaraǵandynyń sport keshenderiniń birinde jattyǵý kezinde áıel adam qaıtys boldy, dep habarlaıdy «QazAqparat» HAA tilshisi.
Qaraǵandy oblysy densaýlyq saqtaý basqarmasynyń baspasóz hatshysy Aıjan Isanyń málimdeýinshe, qaıǵyly oqıǵa 5 qyrkúıek kúni saǵat segizder shamasynda bolǵan.
«Sport kesheninen qońyraý shalyndy. «Jedel járdem» toby bes-jeti mınýt aralyǵynda oqıǵa ornyna dereý jetti. Alaıda olar tek 1973 jyly týǵan eýropalyq násildi áıeldiń ólimin tirkedi», - dedi Aıjan Isa.
Áıeldiń kenetten qaıtys bolý sebebin anyqtaý úshin onyń denesi saraptamaǵa jiberildi.
