Qaraǵandyda áıel adam menıngokokk ınfektsııasyn juqtyrǵany anyqtaldy
QARAǴANDY. QazAqparat - Qaraǵandyda 35 jastaǵy áıelden menıngokokk ınfektsııasy tabyldy, dep habarlaıdy QazAqparat tilshisi.
«Bir áıelden menıngokokk ınfektsııasy tabyldy. Qazir ol qanaǵattanarlyq jaǵdaıda aýrýhanadan shyǵaryldy, biraq medıtsınalyq baqylaýda», - dedi Qaraǵandy oblystyq qoǵamdyq densaýlyq saqtaý departamenti bóliminiń basshysy Jaqııa Jashybekova.
Alǵashqyda mamandar naýqasty irińdi menıngıtke shaldyqty dep oılaǵan, biraq keıin menıngokokk ınfektsııasy ekenin anyqtady. Ony tez arada aýrýhanaǵa jatqyzǵan. Qýanyshqa oraı, onymen baılanysqa túskenderden bul dıagnoz tabylmady.
Vedomstvoda atalyp ótilgendeı, Qaraǵandy oblysynda bul jaǵdaı bıyl alǵash ret tirkelgen.
Eske salaıyq, Qaraǵandy oblysynda birneshe emhanada 1 maýsymnan bastap aqyly ekpe kabınetteri ashylady.
