Qaraǵandyda aıaq-kıim fabrıkasy janyp ketti
ASTANA. QazAqparat - Qaraǵandyda aıaq-kıim fabrıkasynan órt shyqty, dep habaralaıdy Qaraǵandy oblystyq TJD.
Órt týraly habar kezekshilik-dıspetcherlik qyzmetke 17 mamyr kúni saǵat 20:33-te kelip tústi.
Ǵımarat shatyrynyń 750 sharshy metrlik aǵash torlamasynyń órtke oranǵandyǵy anyqtaldy.
Órt sóndirý sharalarynyń arqasynda saǵat 23:31-de tilsiz jaý aýyzdyqtalyp, 23:43-te tolyqtaı sóndirildi.
Órtti sóndirýge 16 tehnıka men Qaraǵandy oblystyq TJD órt sóndirý qyzmeti jáne apattyq-qutqarý jumystary jeke quramynyń 70 adamy jumyldyryldy.
Órttiń saldarynan eshkim zardap shekpedi. Tilsiz jaýdyń shyǵý sebebi anyqtalýda.
