Qaraǵandyda aıaǵy aýyr áıelder úshin hostel ashylmaq
QARAǴANDY. QazAqparat - Qaraǵandyda Halyqaralyq áıelder kúni qarsańynda bolashaq analarǵa arnalǵan hostel ashylady, dep habarlaıdy QazAqparat eKaraganda saıtyna silteme jasap.
Óńirlik kásipkerler palatasynyń baspasóz hatshysy Zarına Býenbaevanyń aıtýynsha, hostel shalǵaıdaǵy eldi mekenderden aýrýhanalarǵa kórinýge keletin naýqastarǵa arnalǵan.
Hosteldi kópbalaly ana, ІІ-top múgedegi Aıgúlim Aıapbergenova ashyp otyr. 2015 jyly Bıznestiń jol kartasy boıynsha shaǵyn tseh ashqan bıznes-výmen bul jetistigimen toqtap qalmaǵan. Máselen, 2017 jyly jana bosanǵan analarǵa ystyq tamaq pen birinshi qajettiliktegi zattardy jetkizýmen aınalysa bastaǵan.
Al aǵymdaǵy jyldyń basynda qalanyń mańaıyndaǵy aýyldardan jáne jalpy oblys boıynsha aıaǵy aýyr áıelderden suranys túse bastaǵan soń Mıhaılovka aýdanynda hostel ashýdy sheshken. Munda kelýshiler úshin qajettiniń barlyǵy bar.
