Qaraǵandyda avtoservıste jol talǵamaıtyn kólik túgi qalmaı janyp ketti
QARAǴANDY. QazAqparat - Qaraǵandyda avtoservıstiń boksynan órt shyqty. Qyzyl jalyn kólikti, ǵımarattyń kireberis qaqpasyn sharpydy, ystyq lepten terezeleri jarylyp ketken, dep habarlaıdy QazAqparat tilshisi.
Apat 31 shilde saǵat 16:22-de boldy.
Dıspetcherdiń pýltine Qaraǵandy qalasynyń Vostok-3 shaǵynaýdany mekenjaıynan órt týraly habar túsken.
«OTTO OIL Service» kólie maıyn aýystyrý boıynsha avtoservıstiń boksynda kótergishte 4 sharshy metr alańda «Mitsubishi Space Wagon» avtokóliginiń janatyn bólikteri órtenip ketti», - dep habarlady Qaraǵandy oblysy TJD baspasóz qyzmeti.
Tilsiz jaýdyń saldarynan jol talǵamaıtyn kólik tolyǵymen janyp ketti.
Sondaı-aq, kireberis qaqpa men tereze bloktary joǵary temperatýradan zaqymdanǵan.
«Qyzyl jalyn saǵat 16:34-te sóndirildi. Qaza bolǵandar men zardap shekkender joq. Órttiń sebebi anyqtalyp jatyr. Aldyn ala boljam - slesarlyq jumystar kezinde órt qaýipsizdigi erejeleri saqtalmaǵan», - dep tolyqtyrdy TJD.
