Qaraǵandyda avtobýstarǵa elektrondyq bıletter engiziledi
QARAǴANDY. QazAqparat - Qaraǵandyda qoǵamdyq kólikte jolaýshylardy elektrondyq bılettendirý júıesi engiziledi, dep habarlady «QazAqparat» HAA tilshisi.
Apparattyq májiliste Qaraǵandy ákimi Nurlan Áýbákirov qarjy aǵyndaryn barynsha ashyq etý úshin jolaýshylardy elektrondy bılettendirýdi engizý qajettiligi týraly habarlady. «Elektrondy bılettendirý júıesi» qoǵamdyq kólik qyzmeti salasynda birqatar problemalardy sheshýge múmkindik beredi. Muny kúzge josparlap otyrmyz», - dedi Nurlan Áýbákirov.
Qaraǵandy oblysynyń ákimi jobany engizbes buryn, aldymen testileýge shaqyrdy. «Basqa óńirlerdiń elektrondyq júıesimen jumys tájirıbesin eskerý qajet. Mundaı jobalardy abaılap engizý qajet», - dedi óńir basshysy Erlan Qoshanov.
Sondaı-aq, qala ákimi oblys basshysynyń tapsyrmasy boıynsha jumys salasyndaǵy birqatar zań buzýshylyqtar joıylǵanyn aıtty. Bir aıda avtobýstardyń jelige shyǵý kórsetkishin 71-den 84 paıyzǵa jaqsartty.
Qaraǵandyda barlyǵy toǵyz avtopark bar.
