Qaraǵandyda avtobýs túgi qalmaı janyp ketti
QARAǴANDY. QazAqparat - Qaraǵandydaǵy turǵyn úılerdiń biriniń aýlasynda avtobýs órtendi. Zardap shekkender men qaza tapqandar joq, dep habarlaıdy QazAqparat tilshisi Tótenshe jaǵdaılar departamentiniń baspasóz qyzmetine silteme jasap.
20 maýsym kúni saǵat 19:26-da «Zonalnaıa, 83» mekenjaıynda órt shyqty degen habar túsken. Órt sóndirýshiler oqıǵa ornyna 19:35-te kelgen kezde úıdiń aýlasyndaǵy 10 sharshy metr aýmaqta avtobýs janyp jatqan. Úıdiń mańaıy avtokóliktermen tolyǵyp turǵandyqtan, órt sóndirý tehnıkasy órtengen avtobýsqa qaraı ótýde kedergilerge tap boldy. Qutqarýshylar dereý magıstraldik jelilerdi ótkizip, órtti sóndirýge kóshken. Tilsiz jaý 19:39-da aýyzdyqtaldy, - delingen habarlamada.
Zardap shekkender men qaza tapqandar joq.
Aldyn ala jasalǵan boljam boıynsha, órt balalardyń otpen oınaýynyń saldarynan bolǵan.
