Qaraǵandyda avtobýs pen jeńil kóliktiń soqtyǵysýynan bir adam qaza taýyp, tórteýi japa shekti
QARAǴANDY. QazAqparat - Qaraǵandyda Mercedes-Benz jeńil kóligi men avtobýstyń soqtyǵysýy saldarynan bir adam qaza taýyp, tórteýi japa shekti, dep habarlady QazAqparat.
Jol apaty senbi, 29 qazan kúni tańerteń «Kógildir toǵan» shaǵynaýdanynda oryn aldy.
«Aldyn ala málimetterge qaraǵanda, 35 jastaǵy Mercedes-Benz júrgizýshisi róldi basqara almaı, avtobýsqa soǵylǵan. Jol-kólik oqıǵasy saldarynan shetel kóliginiń júrgizýshisi oqıǵa ornynda ajal qushty. Osy avtokóliktiń 4 jolaýshysy túrli jaraqattarmen aýrýhanaǵa jetkizildi», - dedi oblystyq ІІD baspasóz qyzmetiniń basshysy Baqytjan Qudııarov.
Jol-kólik oqıǵasy faktisi boıynsha QR QK 345-baby 3-bólimine sáıkes, sotqa deıingi tergeý amaldary bastaldy. Tıisti saraptamalar taǵaıyndaldy.
#DTP na Syrdare #Maıkýdýk #Karaganda ( Vıdeo ot @nadezha_viktorovna )
