Qaraǵandyda avtobýs pen jedel járdem kóliginiń qatysýymen bolǵan jol apatyna baılanysty qylmystyq is qozǵaldy
QARAǴANDY. QazAqparat - Qaraǵandy qalasynda jolaýshylar avtobýsy men jedel járdem kóliginiń qatysýymen bolǵan jol-kólik oqıǵasy boıynsha qylmystyq is qozǵaldy, dep habarlady oblystyq ІІD-niń baspasóz qyzmetinen.
«13 jeltoqsan kúni kúndiz Qaraǵandy qalasyndaǵy Oktıabr aýdanynyń kólikke janarmaı quıý stansalarynyń biriniń janynda jolaýshylar avtobýsynyń júrgizýshisi aldyn ala nusqa boıynsha, kólikti basqara almaı, joldyń qarsy jolaǵyna shyǵyp ketip, jedel járdem kóligimen soqtyǵysqan. Jol apaty saldarynan avtobýstyń júrgizýshisi men jedel járdem feldsheri aýrýhanaǵa jetkizildi», - delingen habarlamada.
Jol-kólik oqıǵasyboıynsha qylmystyq is qozǵaldy, birqatar saraptamalar taǵaıyndalyp, tergeý amaldary júrgizilýde.
