Qaraǵandyda avtobýs apatynan 6 adam zardap shekti
QARAǴANDY. QazAqparat - Qaraǵandyda №43 jolaýshylar avtobýsy qalada kele jatyp, jaıaý júrginshilerge arnalǵan jolǵa shyǵyp ketken. Zardap shekken 6 adam aýrýhanaǵa jatqyzyldy, dep habarlaıdy QazAqparat tilshisi.
Oblystyq PD-niń málim etýinshe, 9 qarashada Qaraǵandy qalasy Qazybek bı aýdanynda 23 jastaǵy baǵdarlyq avtobýs júrgizýshisi Karl Marks kóshesimen kele jatyp, joldan shyǵyp ketken. Avtobýs «jaıaý júrginshi» jol belgisin basyp ótip, kıývetke túsip ketken. Aldyn ala derek boıynsha, júrgizýshi rýldi basqara almaı qalǵan.
Kýágerlerdiń aıtýynsha, bul №43 jolaýshylar avtobýsy bolǵan.
Qaraǵandy oblystyq densaýlyq saqtaý basqarmasynyń baspasóz hatshysy Aıjan Isanyń aıtýynsha, H.J.Maqajanov atyndaǵy klınıkaǵa túrli jaraqatpen 5 adam jetkizilgen. Qazir qajetti tekserý jumystary júrip jatyr.
Jol apaty bolǵan kezde avtobýsta 40 jolaýshy bolǵan.
Polıtsııa departamentiniń túsindirýinshe, júrgizýshige qatysty QR Ákimshilik kodeksiniń 2-bóligi 610-baby «Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy» boıynsha ákimshilik hattama toltyrylǵan.
