Qaraǵandyda aýyr qylmystar sany azaıǵan
QARAǴANDY. QazAqparat - Qaraǵandy oblysynda aýyr jáne erekshe aýyr qylmystar sany azaıǵan, dep habarlaıdy «QazAqparat» HAA tilshisi.
Qaraǵandy oblysy ishki ister departamentinde ishki ister mınıstriniń orynbasary Erlan Turǵynbaevtyń qatysýymen ótken otyrysta óńirdegi qylmystyq jaǵdaı jaqsarǵany aıtyldy.
Polıtsııa ótken jyldy qorytyndylap, aldaǵy basty mindetterdi anyqtady.
Oblysta aýyr emes jáne ortasha aýyr qylmystyq quqyqbuzýshylyqtar, atap aıtqanda qaraqshylyq 14%-ǵa, tonaý 18%-ǵa, buzaqylyq 29,8%-ǵa, alaıaqtyq 3,4%-ǵa qysqarǵan.
Mınıstr orynbasary Turǵynbaev birneshe eskertýler berdi, degenmen Qaraǵandy polıtsııasynyń jumysyna kóńili toldy. Vıtse-mınıstr Prezıdenttiń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýynda kórsetilgen maqsattar men mindetterdi oryndaýdyń mańyzdylyǵyn qadap aıtty.
«Polıtsııa jumysynyń negizgi baǵyty - azamattar quqyǵyn qylmystardan senimdi qorǵaý jáne quqyqtyq tártiptiń joǵary deńgeıin qamtamasyz etý», - dedi Erlan Turǵynbaev.
