Qaraǵandyda aýyl turǵyndaryn jaıylymmen qamtıtyn qanatqaqty joba iske qosylady

QARAǴANDY. QazAqparat – Qaraǵandy oblysynyń Buqar jyraý aýdanynda halyq úshin jaıylym tapshylyǵy máselesin sheshýge kómektesetin pılottyq joba iske qosylady. Bes aýyldyq okrýgte – Belaǵash, Kókpekti, Toǵyzqudyq, Baımyrza jáne Jańatalapta – barlyq qajetti ınfraqurylymy bar jaıylym alańdary paıda bolady, dep habarlaıdy QazAqparat tilshisi.

Qaraǵandy oblysynyń ákimi Ermaǵanbet Bólekpaevqa jaılaý qurý jónindegi pılottyq joba týraly óńir basshysynyń Buqar jyraý aýdanyna jumys sapary barysynda baıandaldy.

Jaılaýda qashalar jasalady, veterınarııalyq is-sharalarǵa arnalǵan vagondar ornatylady, sýmen qamtamasyz etiledi. Aýdandyq bıýdjetten 93 mln teńgeden astam qarjy bólindi. Sonymen qatar, paıdalanylmaǵan jerlerdi anyqtaý jalǵasýda.

«Buqar jyraý aýdany – oblysymyzdaǵy eń iri aýdandardyń biri. Onda 58 myń adam turady. Jaıylymdar men shabyndyq alqaptardyń jetispeýshiligi barlyq jerde baıqalady. Aýdan turǵyndary bul máseleni únemi kóterip keledi. Sonymen qatar, paıdalanylmaıtyn jer ýchaskelerin alyp qoıý boıynsha sapaly jumys júrgizý qajet», – dedi Ermaǵanbet Bólekpaev.

Aýdanda sý qubyry jelilerin jóndeý jalǵasady. Sýyqsý, Tórtkól, Semizbuǵa jáne Úlgi aýyldaryn sýmen qamtamasyz etý jumystary aıaqtalady.

Jol ınfraqurylymynyń sapasyn jaqsartý boıynsha da kóptegen josparlar bar. Aýdannyń 15 eldi mekeninde 50 km kirme joldar men kentishilik joldardy jóndeýge qarajat bólindi.

Buqar jyraý aýdanyna jumys sapary barysynda óńir basshysy birneshe áleýmettik nysandardy da aralady. Olardyń ishinde Botaqara kentindegi ıÝrıı Gagarın atyndaǵy jalpy bilim beretin mektep bar.

1976 jylǵy ǵımarat jóndeýdi talap etedi. Mektep basshysy Saǵynysh Tóleýhanovanyń aıtýynsha, barlyq jeliler aýystyrýdy qajet etedi jáne irgeles aýmaqty abattandyrý kerek.

Aýdan ákimi Núrken Qobjanov bilim berý uıymdarynda josparlanǵan qurylys pen jóndeý jumystary týraly aıtyp berdi. «Jaıly mektep» ulttyq jobasy boıynsha bıyl Doskóı, Úshtóbe aýyldary jáne Nura stantsııasynda 300 oryndyq oqý oryndary salynady. Novostroıka aýylynda 150 oryndyq mekteptiń qurylysy aıaqtalady. Doskóı aýylynyń orta mektebinde jáne Botaqara kentiniń «Baldáýren» balabaqshasynda kúrdeli jóndeý jumystary júrgiziledi.