Qaraǵandyda aýyl sharýashylyǵy salasynyń úzdikteri marapattaldy
QARAǴANDY. QazAqparat - Qaraǵandyda aýylsharýashylyq qyzmetkerleri kúni atap ótildi, dep habarlaıdy oblys ákimdiginiń resmı saıty .
Saltanatty shara K.Stanıslavskıı atyndaǵy orys drama teatrynda ótti. Qaraǵandy oblysynyń ákimi Erlan Qoshanov aýyl turǵyndaryn merekesimen quttyqtap, eren eńbekteri úshin alǵysyn bildirdi. 
Teatr hollynda bul kúni kórme uıymdastyryldy. Fermerler Qaraǵandy aımaǵynda óndiriletin ónimderdi: et, shujyqtar, sút ónimderi, kókónister, jemister, dándi-daqyldardy alyp keldi. Munda Buqar jyraý aýdanynda ósiriletin bekire balyqty da, kosmetıkalyq jáne emdik zattardy óndirýde paıdalanylatyn sýblımatsııalanǵan bıe sútin de kórýge boldy. 
- Memleket qoldaýynyń, jańa tehnologııalar men eren eńbektiń arqasynda aýyl sharýashylyǵymen aınalysý qazirgi tańda tıimdi bolyp tabylady, - dedi óz sózinde Qaraǵandy oblysynyń ákimi Erlan Qoshanov. - Bul jyl kúrdeli boldy: sýy kóp kóktem, qurǵaq jaz, qubylmaly kúzgi aýa raıy. Alaıda sizder onyń barlyǵyna tótep bere aldyńyzdar, jaqsy ónim jınadyńyzdar. Kásibı merekelerińiz qutty bolsyn!».
Aımaq basshysy mal sharýashylyǵy jumyskerlerine bólek alǵysyn bildirdi. Jáne olarǵa uzaq kelissózderden soń bir mıllıard teńge kóleminde qosymsha sýbsıdııa alýǵa múmkindik týǵanyn jetkizdi.
- Jyl sońyna deıin biz sýbsıdııalardy tolyq kólemde tóleıtin bolamyz, - dedi óńir basshysy. - Sonymen qatar biz asyl tuqymdy damytýdy qosymsha sýbsıdııalaý múmkindigin de qarastyryp jatyrmyz. Sizerdiń barlyq jetistikterińizdiń arǵy jaǵynda qyrýar ter tógiletinin atap aıtqym keledi. Biraq bul eńbek bizdiń jáne basqa aımaqtardyń turǵyndaryn sapaly azyq-túlikpen qamtamasyz etedi. Prezıdentimiz aıtqandaı: «Jer taǵdyry - el taǵdyry».
Saltanatty jıynda aýyl sharýashylyǵy salasynyń úzdik qyzmeterleri marapattaldy. Qurmet gramotalary «Volynka» JShS atqarýshy dırektory, sharýa qojalyǵynyń basshysy Qaıyrjan Isın, «Peshkovets» sharýa qojalyǵynyń basshysy Enıseı Peshkovets, «Bıdaı-nan» JShS dánekerleýshi-jóndeýshisi Vladımır Babenkov jáne basqalaryna tabystaldy. 
Jıynda Qaraǵandy oblysynyń fermerleriniń osy jyly qol jetkizgen jetistikteri atap ótildi: jemdik jáne maıly daqyldardyń egistik alqaptary ulǵaıdy. Osy jyldyń sońǵy on aıynyń qorytyndysy boıynsha oblysta 100 000 tonna et, 385 000 myń tonna sút jáne 508 mln dana jumyrtqa óndirgen. Bul kórsetkishter ótken jyldyń osyndaı merzimimen salystyrǵanda 3,2%-ǵa joǵary. Sońǵy jylda aımaqta mal basy da kóbeıdi. Búgingi tańda 509 000 bas iri qara mal, bir mıllıonnan astam qoı jáne eshkiler, 58000 shoshqa, 1500 túıe jáne tórt mıllıonnan astam qus ósirilýde. 
Jalpy aımaqta 37,4 mln gektar aýylsharýashylyq alqaptar bar. 527 iri aýylsharýashylyq kásiporny, 791 jeke sharýashylyq jáne 205 aýyl sharýashylyq ónimderin óńdeıtin kásiporyn yrǵaqty jumys isteýde.
Sonymen qatar bıylǵy jyly jemdik jáne maıly daqyldar egistik alqaptary da ulǵaıdy.
Eske sala ketsek, Qazaqstanda Aýyl sharýashylyq qyzmetkerleriniń kúni jyl saıyn qarashanyń úshinshi jeksenbisinde atap ótiledi.
