Qaraǵandyda aýrýhanaǵa anasy tastap ketken sábı qaıtys boldy
QARAǴANDY. QazAqparat - Qaraǵandyda anasy aýrýhanada tastap ketken bir jasar bala qaıtys boldy. Keıin ony Sábıler úıine aýystyrady, ata-anasy ony jarty jylǵa qaldyrýǵa bel baılaıdy. Bala týa bitken júrek kemistigine shaldyqqan. Dárigerler sońǵy sátke deıin balanyń ómirin arashalaý úshin kúresken, dep habarlaıdy QazAqparat tilshisi.
«17 maýsymda dámkás sábı qaıtys boldy. Balalar aýrýhanasynyń dárigerleri sábıdi qutqarý úshin bar kúshterin saldy. Olarǵa «Shapaǵat» sábıler úıiniń dárigerleri járdem berdi. Alǵashynda-aq boljam jaqsy bolǵan joq, biraq dárigerler úmitterin úzbedi. Balaǵa kúrdeli dıagnoz qoıyldy», - dep habarlady oblystyq densaýlyq saqtaý basqarmasynyń baspasóz hatshysy Aıjan Isa.
Eske salaıyq, naýqas sábıdiń anasy oǵan qaraı almaıtynyn jáne úıinde eki kishkentaı balasy bar ekendigin aıtyp, aýrýhanada qaldyryp ketken. Anasy taıaý ýaqytta ulyn úıine alyp ketýge ýáde etken.
