Qaraǵandyda aýla basketbolynyń lıgasy uıymdastyryldy
ASTANA. QazAqparat - Qaraǵandyda aýla basketboly boıynsha tuńǵysh ret jarys ótkizildi. Aqtyq oıynǵa yqsham aýdandar men aýla klýbtarynyń 40 áýesqoı komandasy shyqty, dep habarlaıdy oblystyq ákimdiktiń baspasóz qyzmeti.
«Aýla basketbolynyń lıgasy -2017» jobasy memlekettik áleýmettik tapsyrys aıasynda iske asyrylyp otyr. Tapsyrys berýshi-Qaraǵandy qalasynyń deneshynyqtyrý jáne sport bólimi. Atqarýshy-«Salaýatty Álem» jeke menshi mekemesi.
Aqtyq jarystar Balalar men jasóspirimder saraıynyń jańartylǵan sporttyq alańynda ótkizildi.
Jarystyń aldyn ala Jańa qala; Ońtústik Shyǵys; Maıqudyq; Prıshahtınsk; Mıhaılovka komandalary irikteý oıyndarynan ótkizildi. Jastary 15-17, 18 jáne odan asqan qyzdar men jasóspirimderdiń eki tobynan 100-den asa áýesqoı komanda usynyldy.
Kóshe basketboly (strıtbol) ádettegi komanda quramynan úsh -úshten qarsylastardyń oınaýymen erekshelenedi. Jarys jalǵyz torly alańda ótedi.
Aýla basketboly Lıgasynyń jeńimpazdary men júldegerlerine marapattaýlardy Qaraǵandy qalasynyń ákimi Nurlan Áýbákirov pen qalalyq máslıhat depýtattary tabystady.
Jeńimpazdar Kýboktar, dıplomdar jáne 100 myń teńgeniń sertıfıkattaryna ıe boldy. Ekinshi orynǵa -80 000 teńge, úshinshi orynǵa - 40 000 teńge taǵaıyndaldy.
Jeńimpaz komandalardyń oıynshylary tıisinshe medaldar men dıplomdarmen marapattaldy.
15-17 jasar jasóspirimder sanaty boıynsha birinshi orynǵa «Drakony» komandasy alǵa shyqty. Ekinshi oryndy «Lipton», al, úshinshi oryndy - «Mıshkı» komandalary ıelendi.
18 jáne odan asqandar arasyndaǵy komandalar arasynan T. Kýzembaev atyndaǵy shahta basketbolshylary úzdik dep sanaldy. Ekinshi oryn «Kelty» komandasyna buıyrsa, «Friends» komandasy úshinshi orynǵa rıza boldy.
15-17 jasar qyzdar jarysynyń nátıjesi mynandaı:
1 orynda - «Bolashaq» komandasy ;
2 orynda - «Valentına ı Ko» komandasy;
3 orynda - «SDıÝShOR» komandasy.
18 jas jáne odan eresekter komandalary arasynda:
1 orynda - «Starýshkı» komandasy;
2 orynda - «Ne po reglamentý» komandasy;
3 orynda - «KRB» komandasy.
Sondaı-aq, Konstantın Terıýkov («Lipton» komandasy), Alekseı Alenýshka («Kelty» komandasy), Asyljan Maılybaı («Bolashaq» komandasy), Ekaterına Tsymbalıst («Starýshkı» komandasy) úzdik oıynshylar dep tanyldy. Bular arnaıy Kýboktar men dıplomdarmen marapattaldy.
