Qaraǵandyda aýdandyq sottyń sýdıasyna qatysty qorqytyp para alǵany úshin qylmystyq is qozǵaldy

Bul týraly Qaraǵandy oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamentiniń baspasóz qyzmetinen habarlady.

«Sot sýdıasy  D.Nyǵmetov 8 tamyz kúni oblystyq qorǵaýshylar alqasynyń qorǵaýshysy Olga Kleıman arqyly 100 myń teńge kóleminde parany alý kezinde ustaldy. Sol kúni qorǵaýshyǵa qatysty paraqorlyqta deldaldyǵy faktisimen qylmystyq is qozǵaldy. D.Nyǵmetjanovqa qatysty materıaldar Bas prokýratýraǵa jiberildi, óıtkeni zańnamaǵa sáıkes sot sýdıasyna qatysty qylmystyq isti QR Bas prokýrory ǵana qozǵaı alady», - dedi oblystyq qarjy polıtsııasy departamentiniń baspasóz hatshysy Gúljan Súleımenova búgin ótken brıfıngte.

Tergeý nusqasy boıynsha, sot sýdıasy jyljymaıtyn múlikke menshik quqyǵyn moıyndaý týraly azamattyq is boıynsha máseleniń oń sheshimin shyǵarý úshin aqsha talap etken. «Qarjy polıtsııasyna aryz berýshi kelip shaǵymdandy. Ol sotta óz páterin zańdastyrǵysy keldi, qorǵaýshy jaldady. Sot sýdıasy qorǵaýshy arqyly aqsha talap etti», - dep túsindirdi G.Súleımenova.

QR QK-ine sáıkes, sot sýdıasyna múlkin tárkileýmen qosa 7 jyldan 12 jylǵa deıin bas bostandyǵynan aıyrý jazasy berilýi múmkin.

«Qazirgi ýaqytta qylmystyq is tergeý úshin QR ekonomıkalyq qylmysqa jáne sybaılas jemqorlyqqa qarsy kúres Agenttigi departamentine jiberildi. D.Nyǵmetjanovqa qatysty bultartpaý sharasy taǵaıyndalǵan joq, óıtkeni ol Qaraǵandy qalasynyń medıtsınalyq mekemesinde emdeýde jatyr.