Qaraǵandyda aýdandyq polıtsııa bólimshesiniń ǵımaratynda órt boldy
QARAǴANDY. 9 aqpan. QazAqparat - Búgin Qaraǵandyda Kırov polıtsııa bólimshesi jumys kabınetteriniń birinen órt shyqty. Bul týraly Qaraǵandy oblysy boıynsha ІІD-niń baspasóz qyzmeti habarlady.
Vedomstvonyń bergen aqparatyna qaraǵanda, órt sóndirý qyzmetine shaqyrý belgisi saǵat 13.24 mınýt ketkende kelip túsken.
«Svobodnaıa 25 kóshesinde ornalasqan Kırov polıtsııa bólimshesinde birinshi qabattaǵy kabınettiń terezesi men esigi, jıhazdar men keńse tehnıkasy jáne 20 sharshymetrlik dálizdiń qaptamasy órtke orandy. Órt saǵat 14. 14-te sóndirildi», - dep habarlady oblystyq TJD-niń baspasóz qyzmeti.
Qutqarýshylardyń bergen aqparatyna qarǵanda, qaza bolǵandar men zardap shekkender joq. «Órtti sóndirý barysynda 9 adam qutqaryldy», - delingen habarlamada. Órttiń saldary men kelgen shyǵyn anyqtalyp jatyr.
