Qaraǵandyda aýdan ákiminiń orynbasary para aldy degen kúdikpen ustaldy

QARAǴANDY. QazAqparat – Qaraǵandy oblysynda para aldy degen kúdikpen Álıhan Bókeıhan atyndaǵy aýdan ákiminiń turǵyn úı-kommýnaldyq sharýashylyǵy máseleleri jónindegi orynbasary, sondaı-aq sol ákimdiktiń bólim basshysy ustaldy, dep habarlaıdy QazAqparat tilshisi.

Álıhan Bókeıhan atyndaǵy aýdan ákiminiń orynbasary ustalǵany týraly aqparatty Qaraǵandy oblysy boıynsha Sybaılas jemqorlyqqa qarsy is-qımyl departamentiniń basshysy Murat Tóleýbaev jýrnalıstermen brıfıng barysynda habarlady. Aıtýynsha, ákim orynbasarymen qosa, bólim basshysy da ustalǵan. Belgili bolǵanyndaı, sheneýnikter kásipkerden 500 myń teńge kóleminde para aldy degen kúdikke iligip otyr.

«Álıhan Bókeıhan atyndaǵy aýdan ákiminiń orynbasary men bólim basshysy ustaldy. Ekinshisi deldal bolǵan. Olar óz mindetterine kiretin jumysty tikeleı oryndaǵany úshin kásipkerden 500 myń teńge alǵan. Qazirgi ýaqytta bul másele boıynsha qylmystyq is tergeýde. Ol áli aıaqtalǵan joq. QR QІJK-niń 201-babyna sáıkes sotqa deıingi tergep-tekserýdiń egjeı-tegjeıli aqparatyn taratýǵa quqyǵymyz joq», - dedi Murat Tóleýbaev.

Qazirgi ýaqytta is sotta.