Qaraǵandyda aýdan ákimine 148 myń teńge aıyppul salyndy
QARAǴANDY. QazAqparat - Qaraǵandyda Qazybek bı aýdanynyń ákimi Tatıana Shatohınaǵa kásipkerlik qyzmetine aralasqany úshin aıyppul salyndy, dep habarlaıdy QazAqparat tilshisi ákimshilik sotqa silteme jasaı otyryp.
«Tatıana Shatohına QR Ákimshilik quqyq buzýshylyq jónindegi kodekstiń 173 babynda qarastyrylǵan quqyqbuzýshylyqty jasaǵany úshin aıypty dep tanylsyn (Laýazymdy tulǵanyń kásipkerlik qyzmetine zańsyz aralasýy). Ákimshilik jaza taǵaıyndalyp 148 470 teńge kóleminde ákimshilik aıyppul memleket kirisine óndirilsin», - delingen Qaraǵandynyń mamandandyrylǵan aýdanaralyq ákimshilik sotynyń sýdıasy Damına Mýsınanyń shyǵarǵan qaýlysynda.
Іstiń materıaldaryna júginsek, aýdan ákiminiń qabyldaýyna kelgen qala turǵyny páteriniń sýyqtyǵyn aıtyp shaǵymdanǵan. Páter ıesi oǵan birinshi qabattaǵy dúkendi aıyptaǵan. Tatıana Shatohına baǵynystylaryna sol jerge baryp tekserýdi júktegen. Osylaısha ákim shaǵyn kásipkerlik sýbektisiniń qyzmetine zańsyz aralasqan, dep atap ótilgen qaýlyda.
Atalǵan ákimshilik quqyqbuzýshylyqqa 100 aılyq eseptik kórsetkish kóleminde aıyppul qarastylǵan, hattama toltyrylǵan kezde ol 212 100 teńge boldy. Alaıda sot aıypty moıyndaýdy eskere otyryp aıyppul kólemin 30 paıyzǵa tómendetti.
Sot qaýlysy zańdy kúshine endi. Aýdan ákimi aıyppuldy tóledi.
