Qaraǵandyda aýa sapasy nasharlaıdy
ASTANA. QazAqparat - Senbi, 9 naýryz kúni Qaraǵandy qalasynda aýa sapasy nasharlaıdy, dep habarlaıdy QazAqparat.
«Qazgıdromet» RMK-nyń málimetine sáıkes, Qazaqstannyń basqa qalalarynda qolaısyz meteorologııalyq jaǵdaılar baıqalmaıdy.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
