Qaraǵandyda astyrtyn poker klýby joıyldy
QARAǴANDY. QazAqparat - Qaraǵandyda polıtseıler astyrtyn poker klýbtyń qyzmetin toqtatty, dep habarlady oblystyq ІІD-niń baspasóz qyzmetinen.
«Uıymdasqan qylmyspen kúres basqarmasy jáne memlekettik kirister departamentiniń qyzmetkerleri jedel sharalardy ótkizý kezinde Qaraǵandy aýdandarynyń birinde dámhanadaǵy astyrtyn poker klýbynyń qyzmetin toqtatty. Mekemeden oıyn fıshkalary, kartalar jáne beınebaqylaýǵa arnalǵan jabdyqtar alyndy», - delingen habarlamada.
Dámhananyń ıesi ǵımaratty jalǵa bergenin túsindirdi. Polıtseıler ony jalǵa alǵan adamdy anyqtady, ol Qaraǵandynyń 32 jastaǵy turǵyny bolyp shyqty.
Atalǵan faktimen QR QK-niń 307 baby boıynsha («Zańsyz oıyn bıznesin uıymdastyrý») sot aldyndaǵy tergeý amaldary júrgizilip jatyr.
