Qaraǵandyda «Astana Arlans» jáne reseılik «Patriot boxing team» komandalary arasynda bokstan jekpe-jekter ótedi

 «Astana Arlans» rıngte reseılik «Patriot boxing team» komandasyna qarsy shyǵady, dep habarlaıdy karaganda-region.kz .  

Qazaqstandyq top osyǵan deıin maýsym basynda «Patrıottyqtarmen» kezdesken bolatyn. Onda bizdiń boksshylarymyz 2:3 esebimen jeńiske jetken edi. Sonymen qatar qazaqstandyqtar Ózbekstan men Qytaı elderinen kelgen qarsylastarynan basym tústi. Al «Patriot boxing team» ózbek tobyna ese jiberip alyp, qytaılyq «China dragons» komandasyn jeńgen bolatyn. 

 Búgingi tańda «Astana Arlans» Dúnıejúzilik Boks serııasynyń jetinshi maýsymynyń qorytyndysy boıynsha birinshi oryndy ıelenip tur. 
Búgin qazaqstandyq boksshylarǵa týrnırlik kestedegi oryndaryn saqtap qalý úshin jekpe-jekte bar kúshterin salýǵa týra keledi. Rıngke Oljas Sáttibaev, Zakır Safıýllın, Aslambek Shymbergenov, Arman Rysbek jáne qaraǵandylyq Dmıtrıı Zısko shyǵady. Eger esep teń bolsa, taǵy bir jekpe-jek ótkiziledi. Komandanyń namysyn sýper aýyr salmaqty Nursultan Amanjolov qorǵaıdy. 

 Keshe osy jekpe-jekke qatysty baspasóz máslıhaty ótken bolatyn.

 «Boksta aldyn ala boljam jasaýǵa bolmaıdy, - dedi baspasóz máslıhatynda komandanyń bas jattyqtyrýshysy Nurlan Aqúrpekov. - Biz barlyǵy jaqsy bolady dep úmittenemiz, jáne Qaraǵandyǵa ásem de áserli boks kórsetemiz dep ýáde beremiz. Qaraǵandy - daryndylar mekeni. Munda bokstyń naǵyz jankúıerleri turady. Olarǵa jekpe-jek unaıdy dep oılaımyn