Qaraǵandyda áskerı qyzmetshi qaıtys boldy

QARAǴANDY. QazAqparat - Qaraǵandydaǵy áskerı bólimderdiń birinde kelisimshart boıynsha qyzmet etip jatqan sarbaz qaıtys boldy, dep habarlaıdy QazAqparat tilshisi.

Oqıǵa Tótenshe jaǵdaılar mınıstrliginiń 52 859 áskerı bóliminde boldy.

Sherý kezinde 24 jastaǵy áskerı qyzmetshiniń júregi ustap qalǵan.

«Medıtsına mamandary oǵan birden kómek kórsetken, sonymen qatar jedel járdem shaqyrdy. Biraq ony qutqarý múmkin bolmady», - dep habarlady TJM baspasóz qyzmeti.

Aldynala boljam boıynsha áskerı qyzmetshiniń óliminiń sebebi - pankreonekroz, deıdi mamandar.

«Áskerı qyzmetshiniń esimi Elsultan bolatyn. Ol eshqashan densaýlyǵyna shaǵymdanbady. Jyl saıyn medıtsınalyq tekserý júrgizildi - bul mindetti shara. Bıyl ol 30 tamyzdan 1 qyrkúıekke deıin medıtsınalyq tekserýden ótýi kerek edi. Sol kúni áskerı qyzmetshiniń kóńil kúıi jaqsy boldy, qyzmetti kúsheıtý kúnderiniń aldynda praktıkalyq sabaqtarǵa qatysty. Ol kásibı maman bolatyn, ony qyzmette joǵarylatýdy josparlap otyrǵan edik», - dedi podpolkovnık Janat Omarov.