Qaraǵandyda ashyq aspan astynda Ulttyq dombyra kúni atap ótildi
Qaraǵandy oblysynyń ákimdiginen málim etkendeı, mýzykanttar qazaq kompozıtorlarynyń týyndylaryn oryndady.
Ashyq aspan astynda Táttimbet atyndaǵy Akademııalyq halyq aspaptary orkestri, «Arqa sazy» folklorlyq ansambli jáne jas dombyrashylar óner kórsetti.
Kontsert Táttimbettiń «Saryjaılaý» kúıinen bastalyp, Nurǵısa Tilendıevtiń «Ata tolǵaýy», Qurmanǵazynyń «Adaı» jáne «Saryarqa» týyndylaryna ulasty.
«Biz kontsertke esh daıyndyqsyz shyqtyq, tipti aldyn ala jattyqqan da joqpyz. Jazǵy demalysqa qaramastan balalar da qýana qatysty. Elbasy taǵaıyndaǵan Ulttyq dombyra kúni úlken oqıǵa. Bul mereke tek mýzyka men óner súıer qaýymdy ǵana emes, sondaı-aq keń baıtaq elimizdiń barlyq turǵyndarynyń basyn qosady. Dombyra - bizdiń halqymyzdyń nyshany, ajyramas dosy. Ol ómir boıy qazaqtyń janynan tabylyp, qıyndyqta da, qýanyshta da birge bolǵan. Endi bul aspap ár úıde bolady dep oılaımyn, dombyra jańa lepke ıe bolady», - deıdi Táttimbet atyndaǵy orkestrdiń dırıjeri, QR eńbek sińirgen qaıratkeri, professor Dúısen Úkibaı.
