Qaraǵandyda ashana órtenip, 40-tan astam maman tilsiz jaýmen kúresti
QARAǴANDY. QazAqparat – Búgin túnde Qaraǵandyda ashanany ot sharpydy. Tilsiz jaýmen kúreske órtke qarsy qyzmettiń 42 mamany jáne 10 arnaıy tehnıka jumyldyryldy, dep habarlaıdy QazAqparat tilshisi.
20 qańtar kúni saǵat 01:58-de «101» pýltine Qaraǵandy qalasyndaǵy «Elbrýs» ashanasynyń jeke turǵan bir qabatty ǵımaratynda órt shyqqany týraly habarlama kelip tústi.
«Órt sóndirý bólimsheleri kelgen sátte jalpy aýdany 200 sh.m. shatyrdyń, jabynnyń jáne jıhazdyń aǵash torlary janyp, keıinnen jabynnyń ishinara qulaýy oryn aldy. Órt sóndirýshi-qutqarýshylar órtengen ǵımarattan 2 gaz ballonyn alyp shyqty. Saǵat 03:15-te órt tolyq sóndirildi», - dep habarlady Qaraǵandy oblysy TJD baspasóz qyzmeti.
Qaza bolǵandar men zardap shekkender joq.
Aldyn ala boljam boıynsha, órttiń sebebi ashyq ot kózi bolǵan.
Oqıǵa ornynda Qaraǵandy oblysy TJD jeke quramynan 42 adam jáne 10 birlik tehnıka jumys istedi.
Ótken táýlikte Qaraǵandy oblysy Tótenshe jaǵdaılar departamentiniń bólimsheleri 10 ret jolǵa shyqty, onda 2 adam qutqaryldy, onyń ishinde 1 bala jáne 11 adam, onyń ishinde 5 bala evakýatsııalandy.
