Qaraǵandyda arheologtardyń halyqaralyq sımpozıýmy ótedi

QARAǴANDY. QazAqparat - Qaraǵandy oblysynda biregeı Saryarqa pıramıdasynyń alańynda ashyq aspan astyndaǵy murajaı salynady dep josparlanýda. Al aldaǵy kúz aılarynda qaraǵandylyqtar halyqaralyq arheologtar sımpozıýmyn ótkizedi.

Bul týraly aımaq basshysy Erlan Qoshanov Ortalyq kommýnıkatsııalar qyzmetindegi brıfıngte aıtty, dep habarlaıdy Qaraǵandy oblysy ákiminiń resmı saıty. 

- Ótken jyly halyq arasynda Saryarqa pıramıdasynyń ashylýy úlken qyzyǵýshylyq týdyrǵan bolatyn. Ol týraly álemdik BAQ-tar da jazdy. Pıramıdanyń 100 shaqyrym radıýsynda 200-den astam tarıhı eskertkish bar. Biz 2019-shy jyly ol jerde ashyq aspan astyndaǵy murajaı uıymdastyrýdy josparlap otyrmyz, - dedi oblys ákimi. - Al qyrkúıekte japondyq Ehıma ýnıversıtetiniń zertteýshisi ıAsýıýkı Mýrakamı myrzanyń qatysýymen halyqaralyq sımpozıým ótkizemiz dep oılastyrýdamyz". 

 Sheteldik ǵalym eki jyl buryn qaraǵandylyq arheologtarmen birge Kent taýlarynyń Alat eldi mekeninde jumys atqarǵan bolatyn. Mamandar balqytý peshteriniń qaldyqtaryn zerttegen. Zertteý nátıjeleri Qazaqstannyń ejelgi metallýrgııasynyń tarıhy resmı datadan kóp ýaqyt buryn bastalǵanyn meńzeıdi.